Beroagatiko alerta dela eta, hartutako neurriak

Beroagatiko alerta gorria iragarrita dago datozen egunerako, hori dela eta Eskoriatzako Udalak honako neurriak hartu ditu:

Guztiz debekatuta geratzen da petardoak, etxafleroak eta antzeko elementuak erabiltzea.

Ekainak 23, asteartea

Sanjuan bezperako ekitaldiak honela geratzen dira:

• 18:00  Txorimaloaren bila ekitaldia – BERTAN BEHERA
• 19:30 Buruhandiak – BERTAN BEHERA
• Landagunean sua egitea – DEBEKATUTA
• Plazan Tantaia jasoko dute gazteek, baina sua ohikoa baino txikiagoa egingo da.

Ekainak 24, asteazkena

Olazar jubilatuen elkarteak antolatutako merienda, BERTAN BEHERA gelditu da.

Babesguneak

• Santa Marinako ur-txorrotak – aste honetan 15:30 – 20:30
• Igerilekua (sarrera ordainduta):
  • Astelehenetik ostiralera – 14:45 – 19:45
  • Larunbata– 16:00 – 19:45
• Liburutegia – Aire egokitua duen eremua da. Adineko pertsonekin egoteko egokia.
  • Astelehenetik ostiralera: 10:30 – 13:00 // 16:15 – 20:00
• Elizpea – Elizpean dagoen hesia irekiko da eta mahai batzuk eta aulkiak ipiniko dira, nahi duenak bertan egon ahal izateko.

Bestelako baliabideak

Desfibriladoreak

• Udal jabetzakoak: udaletxean eta kiroldegian, kanpoaldean. Eta baita udaltzaingoaren kotxean ere.
• Beste entitate batzuena:
  • Huhezi – Dorletako eraikin barruan
  • Tesa – eraikin barruan
  • Fagor Ederlan

Zer egin pertsona bat bero kolpea izaten ari dela ikusten baduzu?

Ez galdu denborarik eta deitu 112ra laguntza eskatzeko, eta laguntza iristen den bitartean:

• Eraman leku fresko eta aireztatu batera.
• Konorterik galdu ez badu, eman likidoa, edan dezan.
• Kendu arropa.
• Busti urez edo estali izara bustiz.
• Osakidetzako gomendioak
• Informazio gehiago: Eusko Jaurlaritzako Beroaren aurkako plana 2026.